سلگتی آہوں کا سلسلہ

تمہاری یادوں میں جان جاناں سلگتی آہوں کا سلسلہ ہے

نہ رات ہی اپنی کٹ رہی ہے نہ دن ہی اپنا گزر رہا ہے

تمہیں بسے ہو ہمارے من میں

تمہیں خیالوں کی انجمن میں

تمہارا احساس خون بن کر

رواں ہو جیسے مرے بدن میں

ہماری پیاسی نگاہ بھی اب

اسیر ہے تیرے بانکپن میں

تمہیں بتاؤ ناں جان من اب ہمارا اپنا بچا ہی کیا ہے

تمہاری یادوں میں جان جاناں...

بہار کی رُت بھی آرہی ہے

گلوں پہ مدہوشی چھا رہی ہے

شگفتہ کلیوں کا رنگ نکھرا

ہے، قمری نغمہ سنا رہی ہے

تمہاری رہ میں بچھی ہیں آنکھیں

ہیں سُونی سُونی ہماری باہیں

چلے بھی آؤ ناں دلرُبا اب مٹادو جو کچھ بھی فاصلہ ہے

تمہاری یادوں میں جان جاناں...

یہ عشق کی راہ ہے سنو جی

یہاں پہ سب اپنے من کے موجی

ہاں رنگ اس کے جدا جدا ہیں

کوئی قلندر ہے کوئی جوگی

یہ ہر کسی کو سمجھ نہ آیا

نہ عقل میں یہ کہیں سمایا

سمجھ سکے ہم تو اتنا فیضی یہ سارا دل کا معاملہ ہے

تمہاری یادوں میں جان جاناں...

آپ کا: فرازفیضی..9326187516